كتبت السيدة ربى حنا : انتو بتعرفوا ب ٢٠١١ لما نزلت طابات البينغ بونغ تكرج بشوارع الشام ! مكتوب عليها حرية و مكتوب اسماء المعتقلين؟ و عملت توتر لكل أمن بلدك!
لما انصبغت المي بكل بحرة بدوار رئيسي بقلب الشام
باللون الاحمر !! و درج المركز الثقافي الروسي و غيرو!
بتعرفوا لما نحطت على كل سيارة صافة ب شارع بغداد و العمارة و القنوات و ٢٩ ايار ورقة ع البلور مكتوب عليها اسماء المعتقلين لتذكر الناس فيهم !! بتعرفوا لما كان ينبخ بكل ئرنة و مكان بقلب مديريات و مراكز انشطة و شوارع و بقلب المربع الامني بالشام اسماء المعتقلين و عبارات فيها مطالب السوريين! بتعرفوا لما نحطت سبيكرات باماكن عملت كركبة لكل المؤسسة الامنية ببلد الرعب و صار يطلع منها اغاني تهتف بالحرية و تسقط الاسد !! بتعرفوا لما طلعت الناس بالورد توزع جوري ع الأوباش يلي رجعوهم لأهلهم جثث!!! بتعرفوا كل هاد ؟
طيب خبرو فارس خرى شهابي و فايا زفت يونان و يلي على شكلهم انو نحن اكتر شعب بلش سلمي و بالورد و بالحراك المدني الحضاري من اول يوم و انو برغم كل القبضة المرعبة كنّا شعب حي و بيستحق العالم كلو يوقف الو تعظيم سلام
خبروا هالحثالة انو بسبب اشكالهم الرخيصة كتير شباب من يلي كانوا من احلى العقول و افهم الشباب بعد ما اعتقلوا لانهم كانوا أصحاب الجهد الأكبر بالحراك المدني يلي صار و يلي منهم ماطلع لليوم و يلي منهم طلع بس مو متل ما فات ابداً .. طلع مدمر و اغلبهم بعّد كتييير ، بعّد حتى عن حالو و اتدمرت نفسيتو وحياتو
و هيك ياحثالة قضيتو على اعظم حراك شعبي بالعالم ..
نحن عملنا ثورة بتعلم العالم كلو يغني على موالها و يهتف متلها بس لأنو عنّا اشكالكم المقرفة اضطرينا نكون منفيين اليوم و ماقادرين نوقف بنص ساحة الامويين و نلعن ابوكم على امكن .
و انشالله بسمع تنظير غيرهم من يلي عم يتفلسفوا
ع السوريين و يقولوا لا تعلموا و لا تأستذوا و بيجلدوا فيهم ..
مبلا سيدي السوريين بيعلموا يلي خلفك كمان يانوتي و بيأستذوا على كيفهم شو رأيك!خرسوا بقى واستحوا من هالمقارنات المُعيبة.
دم مليون سوري وغيرهم إلي بالمعتقلات بيعلم يلي خلفكم كمان .